श्रीनगर : सुरक्षा दलासोबत झालेल्या चकमकीत तीन दहशतवादी मारले गेले आहेत. गेल्या चोवीस तासापासून शोपियन जिह्यात सुरक्षा दल आणि दहशतवाद्यांमध्ये चकमक सुरु आहे. 

जम्मू-काश्मीरमधील शोपियन व बंदीपोरा जिल्ह्यात शुक्रवारी सुरक्षा दलासोबत झालेल्या चकमकीत तीन दहशतवादी मारले गेले. गेल्या 24 तासांत पाच दहशतावाद्यांचा खात्मा केला असल्याची अधिकाऱ्यांनी माहिती दिली. शोपियन भागात अद्यापही दोन ते तीन दहशतवादी लपले असल्याने येथे चकमक सुरुच आहे. बंदीपोरा जिल्ह्यातील चकमकीत 'लष्कर-ए-तोयबा'चे दोन दहशतवादी मारले गेले आहे. तोयबाचा टॉप कमांडर अली भाई याचा खात्मा करण्यातही भारतीय जवानांना यश आले आहे. 

दहशतवाद्यांविरूद्ध हे ऑपरेशन गुरुवारी (ता. 21) सुरू करण्यात आले होते. परंतु सुरक्षा दलाला सावधगिरी बाळगणे आवश्यक होते, कारण दोन नागरिकांना अतिरेक्यांनी बंदीस्त केले होते, असे पोलिसांनी सांगितले. त्यापैकी एका नागरीकाला गुरुवारी वाचविण्यात यश आले पण दुसऱ्याला चकमकीत जीव गमवावा लागला असल्याची शक्यता असल्याचेही पोलिसांनी सांगितले.